نشرة الساخرين و المبدعين العرب يوم الأحد من كل اسبوع
يكتبها / محمد برجيس
اهلا بكم
العناوين
1- ترتيبات أمنية واسعة قبيل انعقاد المؤتمر السادس
2- رئيس حكومة الدولة الدموية يصدر حكما بمصادرة القدس كاملا
3- استفتاء شعبي في المحررة حديثا من الحكم العربي
أخبارنا الفنية .
1- السيرة الذاتية لمطرب الغبرة في فيلم من إنتاجه
2- صدور الحكم الابتدائي في قضية الفنانة الشهيرة
أخبارنا الاجتماعية
1 – افتتاح مقهى الملتقى بكرت سحري من عميد الملتقى
2- افتتاح العرض الأول لأوبرا مصطفي شو
أخبارنا الرياضية
1- فوز فريق الجنوب على فريق الشمال 1 صفر
أخبار الطقس
1- ارتفاع درجات الحرارة بشكل غير متوقع
أهلا بكم
1-على خطوه و نص يتم الآن وضع التفاصيل الصغيرة و اللمسات الأخيرة تمهيدا لانعقاد المؤتمر السادس في الأرض المغتصبة من 1948 و سط إجراءات أمنية مشدودة و مربوطة بجنزير حديد ماركة فتح .
هذا و تشير الأنباء إلى وجود خلاف حاد زى السكينة بين أفراد النص الثاني من الأرض المغتصبة اللي قسموها بينهم علشان كل واحد يعمل فيها زعيم ع الغلابة المحاصرين في بيوتهم . و بسؤال أحد المسئولين عن سبب الاختلاف أفاد جنابه:- قائلا: لازم نغير القيادة و كفاية بقى اللي أخدوه و كنزوه هو مفيش غيرهم و لا إيه
2- في تصريح خطير لرئيس حكومة الدولة الدموية أشار إلى أن القدس هي العاصمة الأبدية لنا و اللي مش عجبه يخبط دماغه ف الحيط . و بسؤاله حول مغزي هذا التصريح و توقيته رد قائلا :- إحنا مش لاقيين فيهم كبير نتفاوض معاه و كل واحد فيهم أخد حته و عمل عليها رئيس لما يبقوا يجتمعوا على كلمه واحده نبقي نكلمهم . انتو مش شايفين بيكلوا ف بعض ازاي زي السمك . و كل واحد فيهم بيتهم التاني بالخيانه و العماله و انه باع القضيه مع إن القضيه اساسا لم تنباع لأن احنا سرقناها يبقي ازاي هيبيعوا حاجه مش بتعتهم . و بعدين القدس دي بتاعتنا من زمان علشان راس جدي مدفونه فيها .
3- في البلاد المحررة م الحكم العربي حديثا قام رئيس حكومتها اللي عاوز يوهمنا انه شغال من دماغه
و مش مبرمج بريموت من عن بعد في البيت الأبيض قام جنابه بطرح استمارات تعداد فى الأسواق علشان يعرف كام واحد سني وكام واحد شيعي علشان يعمل فريقان لتصفية ما تبقي خارج الأسر او الإعتقال في خطوة أولى لعمل مبارة بالأسلحة الخفيفة علشان الإتنين يخلصوا علي بعض و يرتاح منهم الإتنين .
1- في سابقة هي الأولى من نوعها قام مطرب الطرشان و مغنواتي الغبره بطرح سيرته الذاتية فى الأسواق تمهيدا لتحويلها لفيلم سينمائي من إنتاجه . هذا و تشير الدوائر الفنية إلى أن الفيلم سيتناول مشاهد من جهود ال
